Aýdyň Gijeler - Türkmenistanda innowasiýa we önümçilik lideri

"Aýdyň Gijeler" Hojalyk jemgyýeti 2015-nji ýylda Türkmenistanyň Prezidentiniň 2015-nji ýylyň 9-njy iýulyndaky “Türkmenistanda dürli görnüşli elektron enjamlary öndürýän kärhanalary döretmegiň Döwlet maksatnamasyny tassyklamak hakynda” çykaran 14330 belgili karary esasynda esaslandyryldy. Türkmenistanyň Senagat we gurluşyk ministrliginiň (49% paý) we telekeçi H.B. Abdurahmanowyň (paýyň 51%) goldawy bilen döredilen kärhanamyz ýurtda ýokary tehnologiýaly önümçiligiň flagmanyna öwrüldi. Türkmenistanyň prezidenti Arkadagly Serdaryň paýhasly ýolbaşçylygynda we “Halkyň Arkadagly zamanasy” döwrüniň ruhunda, biz halkara standartlara laýyk gelýän innowasion tehnologiýalaryny ornaşdyrmaga gönükdirilen ylmy esasly we geljegi nazarda tutýan syýasaty durmuşa geçirýäris. Biziň wezipämiz - işewürlik we döwlet üçin ygtybarly we döwrebap çözgütleri hödürlemek bilen, Türkmenistanyň tehnologiki progressine we ykdysady ösüşine ýardam etmek. 2015-nji ýylyň sentýabr aýyndan “Aýdyň Gijeler” önümçilik kuwwatyny çalt depginler bilen artdyrýar. Häzirki wagtda ussahanalarymyz 5 gektardan gowrak ýer tutýar, bu bolsa kärhanany Türkmenistandaky iň iri önümçilik meýdançalarynyň birine öwürýär. Biz 10-dan gowrak häzirkizaman önümçilik ussahanasyna eýelik edýäris, bu ýerde 30-dan gowrak elektro-tehniki we elektroniki önümler öndürilýär. Bank we SIM kartalardan ýol yşyklandyryş çyralaryna, kabel we hasaplaýyş enjamlaryna çenli önümlerimiz iň ýokary hil standartlaryna laýyk gelýär.